Fillimisht u vendos kashta grupe – grupe.
Ajo u nda në gjashtëdhjetë pjesë në shkallët e hyrjes në ndërtesën e Kuvendit
Krejt këto, sipas veteranit të Ushtrisë Çlirimtare të Kosovës, Agim Pllashniku, përfaqësojnë deputetët nga Lëvizja Vetëvendosje.
“Këto janë qysh janë ra klloqkë deputetët qe dy mandate. E unë sot, zyrtarisht po i qes klloqkë. Këta kanë ra klloqkë, po nuk e dijnë e unë zyrtarisht po i qes”, ka thënë veteran i UÇK-së, Agim Pllashniku.
Përgjatë realizimit të aksionit, veterani pati një mesazh ndaj kryeministrit në detyrë, Albin Kurti.
“Qetu kom me nejt deri Albin Kurti t’ma bon mu zgjidhjen, edhe t’jau bon zgjidhjen krejt atyne veteranëve, policëve e krejtve që i ka largu, e të na kthen në punë. Se na ka largu politikisht. Qetu kom me nejt, s’kom me lanë n’derë me hy asnjë deputet, hiç. Kom m’u betu që në qet derë s’ka me mujtë me hy. Mujnë me hy në tjera dyerë, a qetu betohna që mas 18-tit, kur të kthehna prej Hage, shancë s’ka me pasë me hy asnjë deputetë. Edhe brinat m’i pasë”, ka deklaruar veteran i UÇK-së.
Krahas këtyre gjashtëdhjetë vezëve, Pllashniku pati edhe tri vezë më speciale.
Për secilën prej tyre dha shpjegim.
“Njëshi i Vetëvendosjes është Dejona Mihajlo. Mihjaloviq. Dyshi është Albin Kurti. Kjo është vo me dy gogluqa. Pra një vo me dy gogluqa. Dy persona menaxhojnë Kosovën. Dejona është e shërbimit grek, edhe e shërbimit serb, e menaxhon Albin Kurtin, e ka shti n’vo.Tash vjen dyshi. Apet Dejona, e ka shti në vo Albulenën. Dejona, presidentja. S’ka presidente. O thy, edhe s’mundet m’u bo presidenti, se s’po don Albin Kurti”, tha tutje Pllashniku para mediave .
Me partinë e Vetëvendosjes, ai e shënjoi edhe një pulë.
“Pula është VV. Edhe kjo është një pulë shumë e mirë. E kom marrë një pulë të bardhë. Edhe e kom shkru Dejona”, theksoj Pllashniku.
Pllashniku, nuk e mohoi mundësinë që një aksion i ngjajshëm t’u bëhet edhe deputetëve opozitarë.
“Nëse i bje përgjegjësia opozitës, edhe asaj kam me ia bo njësoj”, përfundoj Pllashniku.
Ky nuk është aksioni i parë që vjen nga veterani Pllashniku, e u paralajmërua se nuk do të jetë as i fundit.
