LeBron James pritet të përfitojë 52.6 milionë dollarë me Los Angeles Lakersin për sezonin 2025-26 dhe pritet të arrijë një rekord që askush tjetër nuk e ka arritur.
Ai do të bëhet basketbollisti i parë në histori të NBA-it që do të luajë edhe në sezonin e 23-të.
Mediumet “ESPN” dhe “The Athletic” kanë qenë të parat që kanë raportuar për këtë vendim.
Jamesi, së fundmi është rikthyer në stërvitje pas disa javësh pushim pas dëmtimit të ligamenteve të gjurit.
Ky ka qenë një sinjal i qartë se ai po planifikon për të luajtur për vitin e 23-të, në të cilin do ta thyente rekordin e Vince Carterit për karrierën më të gjatë si basketbollist i NBA-it.
Jamesi do të jetë 41-vjeçar në dhjetor teksa ai ka qenë pjesë e ekipit të “ALL STAR”- it në 21 prej 22 sezoneve në ligë.
Asnjë basketbollist tjetër nuk ka arritur që të përfshihet më shumë se 15 herë.
Koshashënuesi më i mirë në histori të NBA-it ka luajtur në 1562 ndeshje të sezonit të rregullt, 49 më pak se Robert Parish që i ka 1611 paraqitje, më së shumti në histori të ligës.
Nëse do të jetë me shëndet të plotë, Jamesi do ta thyejë edhe këtë rekord në sezonin e ardhshëm.
