Ish-presidentja e Kosovës, Atifete Jahjaga, ka takuar ish-kryeministrin spanjoll, Jose Luis Rodríguez Zapatero, në Madrid.
Jahjaga tha se me Zapateron, kanë biseduar edhe për domosdoshmërinë e integrimit të Kosovës dhe mbarë rajonit në strukturat Euro Atlantike.
“Biseduam për zhvillimin e Kosovës përgjatë 20 viteve të fundit, si dhe për nevojën dhe domosodoshmërinë e integrimit të Kosovës dhe mbarë rajonit në strukturat Euro Atlantike. Gjithashtu, si një feminist i vërtetë biseduam edhe për pozitën e gruas në shoqëritë tona”, tha Jahjaga.
Jahjaga ka falënderuar ish-kryeministrin spanjoll, për shërbimin e trupave spanjoll brenda KFOR-it në Kosovë për ruajtjen e paqes dhe sigurisë në vend./teve1.info/
