Sulmet e fundit izraelite të hënën kanë lënë të vrarë katër palestinezë dhe kanë plagosur pesë të tjerë në Rripin e Gazës, kanë thënë burime mjekësore.
Spitali Nasser në Gazën jugore tha se ka pranuar dy trupa pas një sulmi me dron izraelit në qytetin Bani Suhaila, në lindje të Khan Younis.
Dy të tjerë u qëlluan nga snajperë izraelitë në lindje të Qyetit të Gazës, thanë burimet mjekësore, të cituara nga Anadolu.
Një tjetër u qëllua nga një zjarr afër të ashtuquajturës vija e verdhë në lagjen Al-Tuffah.
Ushtria izraelite konfirmoi se forcat e saj kishin hapur zjarr ndaj tre palestinezëve në Khan Younis për dyshimin se kishin kaluar “vijën e verdhë” që ndan zonat nën kontrollin e ushtrisë nga ato të banuara nga palestinezët dhe që përbënin kërcënim për trupat e saj.
Sulmet e reja janë shkelja e fundit e armëpushimit që hyri në fuqi në Gaza më 10 tetor.
Sipas autoriteteve lokale, të paktën 342 palestinezë janë vrarë nga zjarri i ushtrisë izraelite që nga armëpushimi.
