Së paku 19 palestinezë, përfshirë tetë fëmijë, janë vrarë në një sulm ajror izraelit në Gazën Jugore gjatë natës, thanë zyrtarët shëndetësorë.
Një nënë dhe 4 fëmijët e saj raportohen të jenë vrarë kur një tentë kampi për njerëzit e zhvendosur në al-Mawasi u godit, përderisa një tjetër çift dhe fëmijët e tyre u vranë afër qytetit Khan Yunus.
Sulme të përgjakshme janë raportuar edhe në Gazën qendrore dhe veriore, ku Ministria e Shëndetësisë tha se 51 persona janë vrarë përgjatë 24 orëve të fundit, raporton BBC.
Në veri, trupat e së paku gjashtë njerëzve, përfshirë një foshnje, u gjetën në dy shtëpi që u goditën në qytetin e Gazës, sipas Agjencisë së Mbrojtes Civile.
Në ndërkohë, tre njerëz u vranë në një sulm në pjesën qendrore të Deir al-Balah, dhe një tjetër foshnje u vra afër kampit të refugjatëve Bureij, thanë punëtorët shëndetësor.
Trump ka përsëritur kërcënimin e tij se “do shndërroj Lindjen e Mesme në ferr” nëse Hamasi nuk i liron pengjet para se ai të marr postin zyrtarisht me 20 janar.
Më shumë se 45,930 njerëz janë vrarë në Gaza deri me tash, sipas raportimeve të Ministrisë së Shëndetësisë së Gazës./teve1/
