Të paktën tetë palestinezë janë vrarë dhe 13 të plagosur në sulmet izraelite në të gjithë Rripin e Gazës gjatë 48 orëve të fundit, të cilat vijnë pavarësisht armëpushimit, njoftoi Ministria e Shëndetësisë e Gazës, citon Al Jazeera.
Edhe pasi armëpushimi në Gaza hyri në fuqi më 10 tetor, Izraeli ka kryer sulme të përsëritura , duke vrarë rreth 100 palestinezë në enklavë, sipas Zyrës së Medias së Qeverisë së Gazës.
Ndërkohë, palestinezët që po kthehen në shtëpitë e tyre në Gaza po përballen me rrezik nga municionet e pashpërthyera , me të paktën 53 persona të vrarë dhe qindra të plagosur nga eksplozivët e lënë pas nga ushtria izraelite.
Ministria tha se lufta e Izraelit në Gaza ka vrarë të paktën 68,527 persona dhe ka plagosur 170,395 të tjerë që nga tetori i vitit 2023.
Armëpushimi kërkon ndërprerjen e armiqësive si nga Izraeli ashtu edhe nga Hamasi.
