Izraeli ka thënë se ka rifilluar operacionet tokësore në Gaza, pasi nisi një valë sulmesh ajrore që nga e martja, të cilat lanë të vdekur më shumë se 700 persona.
Forcat e Mbrojtjes së Izraelit (IDF) thanë se trupat e tyre kishin lëvizur deri në Korridorin Netzarim, i cili ndan veriun dhe jugun e Rripit.
Sulmi i ri izraelit shënon fundin e marrëveshjes së armëpushimit që ishte në fuqi që nga janari.
Më herët, OKB-ja tha se dy persona – përfshirë një nga stafi i saj – ishin vrarë pas një shpërthimi në kompleksin e saj në Deir al-Balah.
Sekretari i Përgjithshëm i OKB-së, António Guterres ka bërë thirrje për një hetim të plotë.
IDF tha se kishte filluar “aktivitetet e synuara tokësore” për të krijuar atë që e quajti “një tampon i pjesshëm midis veriut dhe jugut” në Gaza, ka raportuar BBC.
Ushtria izraelite ka lëshuar urdhëra evakuimi për banorët e Gazës, duke sugjeruar se një operacion më i madh tokësor mund të zhvillohet së shpejti.
Urdhërat kanë lëshuar panik tek popullsia palestineze, e zhvendosur vazhdimisht përgjatë 15 muajve të luftës, të cilët u kthyen në shtëpi gjatë armëpushimit të fundit.
