I dërguari presidencial i SHBA-së për Lindjen e Mesme, Steve Witkoff filloi bisedimet të martën në Katar për të nxitur përparimin në lirimin e pengjeve izraelite në mes të një propozimi nga Tel Aviv për të zgjatur një marrëveshje armëpushimi në Rripin e Gazës për 60 ditë, ka njoftuar transmetuesi shtetëror izraelit.
Propozimi izraelit ofron lirimin e 10 robërve të gjallë izraelitë në ditën e parë në këmbim të një zgjatjeje afërsisht dy-mujore të armëpushimit, raportoi transmetuesi.
Kryeministri izraelit, Benjamin Netanyahu ka anashkaluar fazën e dytë të marrëveshjes, duke kërkuar lirimin e më shumë robërve izraelitë pa përmbushur marrëveshjen e tërheqjes së tërësishme nga Gaza,.
Sipas agjencisë Anadoly, grupi palestinezë Hamasi mbetet i palëkundur në kërkimin e fillimit të fazës së dytë, e cila përfshin një tërheqje të plotë të Izraelit dhe përfundimin e luftës.
Faza e parë 42-ditore e një marrëveshjeje trefazore të armëpushimit dhe shkëmbimit të të burgosurve e ndërmjetësuar nga Katari, Egjipti dhe SHBA, përfundoi më 1 mars.
