Pothuajse nëntë nga 10 hetime ushtarake izraelite mbi akuzat për krime lufte apo abuzime nga ushtarët që nga fillimi i luftës në Gaza janë mbyllur pa rezultate konkrete ose janë lënë pezull, sipas organizatës monitoruese të konflikteve AOAV, transmeton The Guardian.
Iain Overton dhe Lucas Tsantzouris nga ekipi i AOAV thanë se këto statistika tregojnë një përpjekje të mundshme të Izraelit për të ndërtuar një “model pandëshkueshmërie”, duke mos përfunduar ose duke mbyllur pa përgjegjësi shumicën dërrmuese të rasteve që lidhen me “akuzat më të rënda dhe më të dukshme për keqbërje nga forcat e saj.”
Ushtria izraelite (IDF) deklaroi se ajo zhvillon procedura hetimore dhe shqyrtimi për incidentet e jashtëzakonshme të ndodhura gjatë operacioneve, në rastet kur ka dyshime për shkelje të ligjit, duke vepruar në përputhje me ligjin izraelit dhe atë ndërkombëtar.
