Forcat ajrore izraelite kanë goditur një aeroplan iranian që furnizohej me karburant në aeroportin në Mashhad, në verilindje të largët të Iranit.
Ky është objektivi më i largët deri më tani që nga fillimi i operacionit izraelit – aeroporti në Mashhad ndodhet 2300 kilometra larg Izraelit, pranë kufirit me Turkmenistanin.
Një zjarr i madh shihet në aeroportin në verilindje të Iranit, pas një sulmi ajror izraelit, sipas raporteve në Iran
“Forca ajrore po operon për të vendosur supremacinë në hapësirën ajrore iraniane”, tha IDF, duke shtuar se sulmi ndaj Mashhadit ishte sulmi më i gjerë që nga fillimi i operacionit.
Pamjet në mediat sociale tregojnë re të dendura tymi që ngrihen nga pista e aeroportit.
