Izraeli ka transferuar aktivistët e rrëmbyer nga flotilja e ndihmave për Gazën për në Portin Ashdod pasi që sulmuan dhe ndaluan konvojën në ujërat ndërkombëtare, ka thënë grupi izraelit Adalah të mërkurën.
Në një deklaratë, Adalah tha se pjesëmarrësit në Flotiljen Globale Sumud , duke përfshirë edhe “aktivistët humanitar ndërkombëtar, mbrojtësit e të drejtave të njeriut, dhe vulnetarët shëndetësorë,” po silleshin në Portin Ashdod pas një “ndalimi të paligjshëm të ushtrisë izraelite”.
“pasi u nisën drejt Gazës për të dërguar ndihma humanitare dhe për të sfiduar bllokadën e paligjshme, këta pjesëmarrës civilë janë rrëmbyer me forcë nga ujërat ndërkombëtare dhe janë marr në territorin izraelit tërësisht kundër vullnetit të tyre,” shtoi grupi, citon Anadolu.
Adalah tha se informacionet rreth aktivistëve të arrestuar, statusi i tyre legal, dhe mirëqenies së tyre fizikë “ishte rreptësisht i kufizuar”.
Adalah tha se veprimet izraelite ishin “një zgjatim i drejtpërdrejtë i politikave të Izraelit për ndëshkimin kolektiv dhe urinë e palestinezëve në Gaza”.
Tha se ekipi i saj ligjor do të “kundërshtonte ligjshmërinë e këtyre ndalimeve dhe do të kërkonte lirimin e menjëhershëm të të gjithë pjesëmarrësve në flotë”.
Organizatorët e flotiljes së ndihmave thanë të martën vonë se më shumë se 87 aktivistë kishin filluar një grevë urie në shenjë proteste kundër rrëmbimit të tyre nga Izraeli dhe në solidaritet me 9,500 të burgosur palestinezë që mbahen në burgjet izraelite.
Sipas organizatorëve, forcat izraelite sulmuan të hënën në ujërat ndërkombëtare një total prej 50 anijesh që transportonin 428 persona nga 44 vende, përfshirë një aktivist shqiptar.
