Sulmet ajrore izraelite në të gjithë Rripin e Gazës kanë vrarë të paktën 24 palestinezë që nga agimi i së mërkurës.
Një nga sulmet më të mëdha ishte në lagjen Tuffah në qytetin e Gazës, duke synuar një shkollë e cila strehonte familjet e zhvendosura.
Ajo i vuri flakën ndërtesës dhe të paktën 10 persona, përfshirë një fëmijë, u dogjën për vdekje.
Tre kushërinjtë e mi – tre fëmijë – humbën. Ata u tërhoqën jashtë, të djegur plotësisht,” tha palestinezi i plagosur, Ahmed Basal.
“Ndërsa po iknim, ata bombarduan përsëri shkollën. Njerëzit bërtisnin, gratë qanin dhe kërkonin të afërmit e tyre. Nuk di çfarë të them, njerëzit këtu u dogjën – u dogjën të gjallë,” tha një palestinez tjetër që po qëndronte brenda shkollës.
Të paktën 50 palestinezë, duke përfshirë të mitur, gra dhe të burgosur më parë të liruar, janë arrestuar nga forcat izraelite në 24 orët e fundit, raporton Al Jazeera Arabic.
Izraeli rifilloi fushatën e tij ushtarake në Gaza më 18 mars, pas prishi një armëpushim dy mujor që kishte ndalur kryesisht luftimet në territorin e rrethuar palestinez dhe që atëherë ka vrarë 1,928 njerëz dhe ka plagosur mbi 5,000 të tjerë.
Numri total i të vdekurve ka arritur në 51,305 tha të mërkurën Ministria e Shëndetësisë së Gazës.
