Një sulm ajror izraelit ka goditur Kishën Katolike të Familjes së Shenjtë në qytetin e Gazës, duke shkaktuar vdekjen e dy grave dhe plagosjen e të paktën gjashtë personave të tjerë, transmeton Al Jazeera.
Sipas mjekëve të Spitalit Arab al-Ahli, disa nga të plagosurit janë në gjendje kritike, përfshirë një fëmijë me aftësi të kufizuara dhe një person të moshuar.
Agjencia italiane e lajmeve ANSA raportoi se mes të plagosurve është edhe prifti i famullisë, At Gabriele Romanelli, i cili ka pësuar lëndime të lehta në këmbë.
Romanelli njihej për lidhjet e tij të ngushta me të ndjerin Papa Françesku dhe komunikonte rregullisht me Selinë e Shenjtë për situatën në Gaza që nga fillimi i luftës.
Zyrtarët thanë se kisha – e vetmja kishë katolike në Gaza – u dëmtua gjatë sulmit, në atë që dëshmitarët thanë se duket të ketë qenë një granatim nga një tank izraelit, ka raportuar AP.
Fadel Naem, drejtor në detyrë i Spitalit Al-Ahli i cili priti të plagosurit, i tha AP se kisha strehonte si të krishterë ashtu edhe myslimanë, përfshirë një numër fëmijësh me aftësi të kufizuara, sipas ,
Kryeministrja italiane Giorgia Meloni fajësoi Izraelin për sulmin ndaj kishës. “Sulmet ndaj popullsisë civile që Izraeli ka demonstruar prej muajsh janë të papranueshme. Asnjë veprim ushtarak nuk mund ta justifikojë një qëndrim të tillë”, tha ajo.
Vetëm 1,000 të krishterë jetojnë në Gaza, një territor me shumicë myslimane, sipas raportit ndërkombëtar të lirisë fetare të Departamentit të Shtetit të SHBA-së për vitin 2024.
Raporti thotë se shumica e të krishterëve palestinezë janë ortodoksë grekë, por ata përfshijnë edhe të krishterë të tjerë, përfshirë katolikët romakë.
View this post on Instagram
