Izraeli ka njoftuar të mërkurën se ka evakuuar rreth 3,800 qytetarë nga zona të ndryshme si masa sigurie ndaj sulmeve me raketa balistike dhe drone nga Irani.
Sipas Zyrës së Shtypit të qeverisë izraelite, Irani ka qëlluar mbi 400 raketa balistike dhe qindra dronë që nga 13 qershori, raporton Anadoly.
Të paktën 24 izraelitë u vranë dhe 804 të tjerë u plagosën në sulmet iraniane, përfshirë tetë në gjendje kritike, tha zyra.
Në deklaratën e tij, një total prej 18,766 kërkesash për sigurim ishin paraqitur pranë Autoritetit Tatimor Izraelit, duke përfshirë 15,861 që lidheshin me dëmtime strukturore, 1,272 për dëmtime të automjeteve dhe 1,633 për lloje të tjera të pronës personale.
Tensionet rajonale janë përshkallëzuar që nga e premtja, kur Izraeli nisi sulme ajrore në shumë vende në të gjithë Iranin, duke përfshirë objekte ushtarake dhe bërthamore, duke bërë që Teherani të nisë sulme hakmarrëse.
