Izraeli ka thënë se do dërgojë një delegacion në Katar të hënën “në përpjekje për të quar përpara negociatat” rreth armëpushimit në Gaza.
Hamasi raportoi për sinjale pozitive në bisedimet me ndërmjetësuesit e Katarit dhe ata egjiptianë pas startimit të negociatave të vonuara për fazën e dytë të armëpushimit.
Nga zyra e presidentit izraelitë, Benjamin Netanyahu nuk dhanë detaje përveç se ata kanë pranuar “ftesën nga ndërmjetësuesit e mbështetur nga SHBA-të.”
Nuk kishte ndonjë koment as nga Shtëpia e Bardhë, e cila të mërkuren e dha konfirmimin e befasishëm për bisedime direkte të SHBA-së me Hamasin.
Para tubimit të tyre të përjavshëm në Tel Aviv, të afërmit e pengjeve iu drejtuan Presidentit të SHBA Donald Trump, i cili u takua me tetë ish-pengje të mërkurën, raporton AP.
“Z. President, rikthimi në luftë do të thotë dënim me vdekje për pengjet e gjalla të mbetura pas. Ju lutem, zotëri, mos lejoni që Netanyahu t’i sakrifikojë ata.”
Izraeli fundjavën e kaluar ndërpreu të gjitha furnizimet për Gazën dhe më shumë se 2 milionë banorët e saj, pasi i bëri presion grupit të Hamasit që të binte dakord. Grupi ka thënë se kjo lëvizje do të prekë edhe pengjet e mbetura.
