Deputetja e Nismës, Xhevahire Izmaku, ka thënë se pret sinjal pozitiv nga takimi që pritet të mbahet sot mes kryetarit të Nismës, Fatmir Limajt dhe kryetarit të VV-së, Albin Kurti.
“Pres sinjal pozitiv nga ky takim. Pres guxim dhe vullnet politik nga Kurti, duke parë që jemi në fund të afatit kushtetues. Limaj e ka zgjat dorën e bashkëpunimit, presim edhe nga Kurti të njëjtën që të largohemi nga ky ngërç dhe t’i japim Kosovës institucionet”, ka thënë ajo.
Izmaku tha se Limaj do t’i merrte votat për kryeparlamentar.
“Mundësia më e mirë është që Fatmir Limaj të jetë kryeparlamentar. Do t’i merrte votat. Koha po ecën, duhet zgjidhje. S’ka alternativë tjetër”, ka shtuar deputetja./teve1.info/
