Xhevahire Izmaku nga koalicioni AAK-Nisma, ka deklaruar se sondazhi i publikuar nga “Ubo Omnibus”, në të cilën LLV-ja ka dalë e para me 47.10% nuk është i vërtetë e as profesional.
Izmaku thotë se këtë rezultat nuk e beson as vetë subjekti politik i VV-së.
“E konsideroj shumë të pa qenë, do me thënë duke nga aeroplani që thotë populli se nuk ekziston hiç kjo. Këtë rezultat që ne e shohim e dimë se si është gjendja në terren. Unë e besoj plotësisht që as VV-ja s’e beson këtë, kjo është jo profesionale, nuk është hiç e vërtetë ky disponim. Kjo gjendje nuk ka qenë as në zgjedhjet e kaluara kur me të vërtetë ka pasur një ndërrim komplet të skenës politike”, tha ajo në emisionin “Info Nata” në Tëvë1.
Ndërkohë, deklaroi se koalicioni AAK-Nisma do të jetë befasia e zgjedhjeve të 9 shkrutit.
“Ne si koalicion jemi ulur dhe kemi biseduar si ekip, e kemi një program të mirë që do ta shfaqim në fushatë zgjedhor. Mirëpo, Nisma është në terren më shumë se kurrë. Unë besoj plotësisht që do të jetë një befasi e këtyre zgjedhjeve”, deklaroi ajo./teve1.info/
