Një incident është raportuar sot gjatë ushtrimit të detyrës zyrtare, ku roja e Federatës së Peshkatarëve dhe një gardian për mbrojtjen e natyrës janë sulmuar nga një person i dyshuar, me inicialet M. G..
Sipas informatave, i dyshuari po ushtronte aktivitet të kundërligjshëm të peshkimit, duke përdorur mjete të ndaluara si “gjida”.
Gjatë ndërhyrjes për ndalimin e këtij aktiviteti ilegal, zyrtarët janë përballur kërcënim e fyerje nga i dyshuari.
Përfaqësues të Federatës kanë reaguar ndaj këtij rasti, duke kërkuar nga Policia e Kosovës dhe institucionet kompetente që të ndërmarrin masa.
“Kërkojmë nga Policia e Kosovës dhe organet kompetente që urgjentisht të ndërmarrin veprime, të hetojnë rastin dhe të sigurojnë që personat përgjegjës të përballen me drejtësinë”, thuhet në reagim.
Tëvë1 nga ky incident ka siguruar edhe pamjet kur i dyshuari kërcënon dhe fyen rojtarët e Federatës. /teve1.info/
