Ministri i Jashtëm italian, Antonio Tajani, ka konfirmuar vendimin për të mbyllur kufijtë ajrorë dhe detarë të Italisë me Spanjën.
Në një postim në X, ai tha se pezullimi i përkohshëm i Shengenit me Spanjën “është një zgjedhje e nevojshme për të mbrojtur sigurinë e qytetarëve tanë dhe për të mbrojtur kufijtë evropianë”.
Ministria e brendshme italiane tha se policia kufitare do të kryejë “kontrolle të synuara dhe selektive” mbi shtetasit e vendeve të treta që mbërrijnë nga Spanja për të verifikuar nëse ata kishin dokumentet e nevojshme për udhëtim brenda Bashkimit Evropian , raportoi Reuters.
Kjo erdhi në përgjigje të një fluksi masiv të emigrantëve në enklavën spanjolle të Ceutës nga Maroku fqinj.
Italia nuk ka një kufi tokësor me Spanjën , por masa do të ndikojë tek njerëzit që udhëtojnë me aeroplan ose anije midis dy vendeve.
