Nga 1 janari i vitit 2024 qytetarët e Kosovës do të mund të udhëtojnë në vendet e zonës schengen pa pasur nevojë për viza.
Por, lëvizja e lirë në vendet e BE-së ka rregulla, siç janë qëndrimi dy herë në vit nga 90 ditë, e poashtu nuk mund të punojnë nëse nuk ka leje pune.
Shqipëria është një vendet e rajonit e cila kishte rrezikuar rikthimin e regjimit të vizave, pas keqpërdorimit të qytetarëve të mundësisë së lëvizjes së lirë.
Drejtor Ekzekutiv i Forumit Ballkanik, Astrit Istrefi ka thënë se Kosova duhet të mësojë nga gabimet e vendeve tjera në këtë proces.
“Duhet të nxjerrim mësime nga vendet tjera të rajonit, duhet të nxjerrim mësim nga pësimet e tyre. Nuk duhet të ketë tejkalime, do të ketë pasoja edhe për qytetarët në mënyrë individuale. Na duhet që të kemi një fushatë të cilat në mënyrë të veçantë për tejkalimet që mund të bëjnë qytetarët ndoshta pa dije që të parandalojmë këtë mundësi, sepse mund të ketë diskutime edhe në institucionet e BE-së që të rikthehet regjimi i vizave”, ka thënë ai në emisioni “Ditari” në Tëvë 1.
Përmes një seance plenare, Parlamenti Evropian të martën ka miratuar vendimin final për liberalizimin e vizave për Kosovën.
