Kryetari i Komunës së Istogut, Ilir Ferati, ka shprehur ngushëllime për familjarët e familjes Ademaj, të cilët kanë humbur jetën si pasojë e vërshimeve në qytetin e Pejës.
Ferati thotë se si komunë janë të gatshëm në çdo formë dhe në çdo kohë t’iu dalin në ndihmë qytetarëve të Pejës.
“Bashkëndjejmë me qytetarët e Pejës, të cilët u dëmtuan mbrëmë nga vërshimet. Ne jemi të gatshëm, në çdo formë dhe në çdo kohë, t’iu dalim në ndihmë qytetarëve të Pejës! Së bashku e ndajmë dhimbjen dhe ju shpreh ngushëllimet më të sinqerta familjes Ademaj të cilët humbën tragjikisht dy anëtarë të familjes së tyre”, ka shkruar ai në Facebook.
