Sot fillon të luhet xhiro e katërt e Superligës së meshkujve.
Istogu dhe Prishtina takohen në Rahovec, kjo pasiqë palestra e ekipit istogas nuk është e gatshme për të pritur ndeshje zyrtare.
Istogasit në fundjavën e kaluar shënuan fitoren e parë në elitë, duke mundur Bashkimi, kurse kanë edhe dy humbje, ndërsa e kundërta është për prishtinasit që numërojnë dy fitore e një humbje.
Sfida mes Istogut dhe Prishtinës luhet nga ora 17:00.
Përballja kryesore e ditës së sotme në elitën e basketbollit kosovar luhet në Prizren me fillim të orës 19:00.
Rivalët lokal, Bashkimi dhe Prizreni masin forcat mes vete në kuadër të xhiros së katërt.
Bashkimi e nisi me dy fitore, por më pas pësoi nga Istogu, kurse Proton Cable Prizreni e nisi me dy humbje, e më pas erdhi fitorja ndaj Vëllaznimit e sonte pritet të kemi luftë të madhe për fitore.