Ismet Krasniqi, do të udhëheq me Komitetin Olimpik të Kosovës edhe për një tjetër mandat katërvjeçar.
Të premten në Asamblenë Zgjedhore të KOK-ut, Krasniqi që ishte kandidati i vetëm për ta drejtuar organizatën kryesore sportive në vend, u votua me aklamacion nga 89 delegatët e pranishëm në asamble.
Nga gara më herët ishte tërhequr njëri prej nënpresidentëve aktualë të KOK-ut, Milaim Kelmendi, duke e lënë garën për president me vetëm një kandidat.
Krasniqi pas rizgjedhjes ka thënë se KOK-u nën drejtimin e tij do të mbështesë edhe më shumë sportistët në sfidat e tyre, por edhe arritja e rezultateve më të mëdha në arenën ndërkombëtare, si dhe rritjen buxhetit të Komitetit Olimpik të Kosovës.
KOK ka mbajtur Asamblenë e Punës, të fundit për ciklin olimpik 2021 – 2024. Me shumicë votash janë miratuar të gjitha pikat e rendit të ditës, ndër to:
Raporti financiar,
Raporti i auditimit,
Plani Financiar për vitin 2025,
Ndryshimet statutare dhe rregulloreve të KOK-ut.
Poashtu edhe Ish Presidenti i KOK-ut, Besim Hasani u emërua “President i Nderit”.
