Deputeti i PDK-së, Uran Ismaili në seancën për formimin e Qeverisë ka deklaruar se situata në Kuvendin e Kosovës është dëshpëruese tash e 10 muaj, pasi siç e quajti ai, mentalitet bllokues.
Ismaili akuzoi Kurtin ngase sipas tij, po ia lënë fajin ish-opozitës për mos formimin e Qeverisë.
“S’ka më privilegje qeveritare për askënd, derisa ka krizë në Kosovë, mos u mshefni më pas emrave të askujt, zgjedhjet na qesin përball popullit dhe çdo politikan i mirëfilltë nuk i ik ballafaqimit me popull. Dëshpëruese me pa Kuvendin e Kosovës me këtë mentalitet bllokues që 10 muaj, natyrisht ne kemi tentuar me kaluar këtë situatë kemi pranua ftesë nga Kurti. Krejt çka i intereson Kurtit është qysh me ia lënë fajin ish-opozitës”, ka deklaruar Ismaili./teve1.info/
