Në ditën e nëntë të fushatës zgjedhore për zgjedhjet lokale të 12 tetorit, kandidati për kryetar të Prishtinës nga Partia Demokratike e Kosovës, Uran Ismaili ka vizituar klubin e futbollit “2 Korriku” të kryeqytetit.
Ismaili ka bërë të ditur se gjatë vizitës së tij i ka siguruar drejtuesit e futbollistët e rinj se do t`a rris kujdesin ndaj klubeve sportive dhe do t`i shtoj investimet në infrastrukturë si në qytet ashtu edhe në fshat.
“Prishtina e talentëve do të vazhdojë të nxjerrë yje në çdo lëmi sportive! Klubi i futbollit “2 Korriku” është shembulli më i mirë i punës, përkushtimit e i potencialit që nuk është shfrytëzuar kurrë mjaftueshëm. Prandaj, me kompetencë të plotë, në vizitën time i sigurova drejtuesit e futbollistët e rinjë se do t`a rrisim kujdesin ndaj klubeve sportive dhe do t`i shtojmë investimet në infrastrukturë si në qytet ashtu edhe në fshat”, ka shkruar ai në Facebook.
