Njohësi i çështjeve të sigurisë, Avni Islami i ka quajtur hakmarrje arrestimet e qytetarëve të Kosovës në Serbi, pas arrestimeve të disa qytetarëve serbë në nga Kosova, të dyshuar për spiunazh dhe krime lufte.
Ai ka thënë se përderisa arrestimet nga Kosova po bëhen me fakte, arrestimet nga Serbia janë politike.
“Serbia po hakmerret ndaj qytetarëve të Republikës së Kosovës në mënyrë arbitrare. Arrestimet e tilla në Serbi kryhen janë lloj hakmarrje ose për çështje politike, por assesi duke pasur prova”, ka thënë ai në emisionin “Ditari” në Tëvë1.
Islami ka thënë se këto arrestime të cilat i ka quajtur “luftë speciale” të Vuçiqit po bëhen për të tërhequr vëmendjen nga protesta që po zhvillohen kundër tij në Beograd.
Madje ai ka thënë se Vuçiq ka bërë veprime të ngjashme çdo herë kur është protestuar kundër tij, madje duke përdorur edhe katër komunat veriore të Kosovës.
Por, siç është shprehu ai, tashmë në këtë pjesë të Kosovës nuk ka ndikim për tensione dhe po arreston qytetarë të Kosovës, por edhe serbë, siç ndodhi ditë më parë me arsyetimin se bashkëpunojnë me institucionet e Kosovës.
Ministria e Punëve të Brendshme e Serbisë ka bërë të ditur se i ka ndaluar dy persona me inicialet X.E dhe B.E në pikën kufitare mes Serbisë dhe Hungarisë, Horgosh, nëimet se me pjesëtarë të Ushtrisë Çlirimtare të Kosovës (UÇK) kanë kryer krime lufte kundër popullsisë civile. Por nga Organizata e Veteranëve të Luftës së UÇK-së kanë thënë se dy personat që u ndaluan nga autoritetet serbe nuk kanë qenë ushtarë të UÇK-së.
Të martën instituconet e Kosovës kanë arrestuar një shqiptar me banin në Serbi, i cili dyshohet se ka kryer masakra ndaj shqiptarëve në Malishevë.
Ndaj tij, Gjykata Themelore në Prishtinë ka caktuar masën e paraburgimit prej 30 ditësh.
