Njohësi i çështjeve të sigurisë, Avni Islami e ka vlerësuar si shumë të rëndësishme bashkëpunimin e qytetarëve me institucionet në luftën kundër spiunazhit.
Ai ka thënë se shtetet armike janë të interesuar të kenë bashkëpunëtorë në fusha të ndryshme dhe për këtë ka bërë thirrje të ketë edhe vigjilencë.
“Nëse vëreni diçka të dyshimtë nga persona të caktuar që tentojnë të marrin informacione nga ju, apo që ju orientojnë drejt vendeve me rëndësi vitale e strategjike për Kosovën, mos hezitoni dhe lajmëroni menjëherë autoritetet!Duke raportuar, ju i ndihmoni vendit dhe ua lehtësoni punën institucioneve tona të sigurisë për të neutralizuar agjenturat e huaja. Çdo individ që dyshohet për spiunazh dhe rrezikon sigurinë kombëtare do të dalë para drejtësisë dhe do të marrë dënimin e merituar”, ka shkruar Islami.
Ai ka thënë se shtetit i Kosovës ka dëshmuar gjatë dy viteve se po e lufton spiunazhin, për të cilin ka thënë ka thënë se është një rrezik i madh.
Arrestimet dhe dënimet për spiunazh gjatë dy viteve të fundit tregojnë qartë dy gjëra: Shteti i Kosovës po i lufton pa mëshirë të gjithë ata që orientohen kundër interesit tonë kombëtar. Veprimtaria e spiunazhit është një rrezik real dhe tejet i madh për sigurinë tone kombëtare sepse mund të bëheni bashkëpunëtor pa e ditur as vet”, ka shkruar ai në Facebook.
