Pacolli përmes një postimi në rrjetin social Facebook ka njofuar se për arsye personale ka dhënë dorëheqje të parevokueshme nga të gjitha strukturat dhe funksionet në Aleancën Kosova e Re (AKR), shkruan Teve1.info.
“Ju njoftoj se për shkaqe personale jap dorëheqje të parevokueshme nga të gjitha strukturat dhe funksionet në subjektin politik AKR.Familjes time, presidentit të AKR-së, z.Behgjet Pacolli, votuesve të nderuar të këtij subjekti politik dhe të gjithë mbështetësve të mi, ju jam mirënjohës dhe falënderues përjetësisht”, ka shkruar Pacolli.
Islam Pacolli ka qenë deputet për një mandat në Kuvendin e Kosovës (2017-2019), ndërsa deri më tani ishte anëtar i Kryesisë së AKR-së.
Postimi i plotë:
N J O F T I M
Të nderuar miq, përkrahës dhe qytetarë,
Ju njoftoj se për shkaqe personale jap dorëheqje të pa revokueshme nga të gjitha strukturat dhe funksionet në subjektin politik AKR.
Familjes time,presidentit te AKR-së,z.Behgjet Pacolli, votuesve të nderuar të këtij subjekti politik dhe të gjithë mbështetësve të mi, ju jam mirënjohës dhe falënderues përjetësisht.
Me respekt
Islam Pacolli
