Një traktor u bë shkak për vdekjen e 77 vjeçarit V.SH. I ndjeri ishte duke punuar në të në oborr të shtëpisë së tij kur kishte marrë plagë. Prej aty u dërgua në Spitalin Rajonal të Gjakovës. Por plagët që kishin marrë ishin të rënda.
Jeton Vorfi, shefi i repartit të emergjencës ne Gjakovë tregon se lëndimet trupore të viktimës kanë qenë të rënda.
“Megjithëse është intervenuar, për shkak të komplikimeve gjatë rrugës, rasti është detyruar të kthehet në gjakovë, ku është intervenu prapë por si shkak i lëndimeve të rënda trupore pacienti s’ka shpëtu”, tha Vorfi.
Rastin e ka konfirmuar edhe komandanti i stacionit policor në Rahovec, Fazli Morina.
“Në vendngjarje kanë dalë të gjitha njësitë relevante dhe sipas të gjitha kontrolleve dhe rezultateve, së bashku me prokurorinë kanë vendosur që vdekja ka qenë aksident”, tha ai.
Televizioni ka qëndruar edhe tek familja e të ndjerit, mirëpo për shkak të situatës së rëndë emocionale nuk pranuan të flisnin.
V.SH është varrosur në kohë të drekës e familja ka hapur shtëpinë për të pame.
Raporti i gazetares Valëza Sylejmani.
