Vezaj-Maçkaj e cila kishte qenë 5 javë ushtare e Ushtrisë Çlirimtare të Kosovës ka thënë se gjatë kohës së luftës, fëmijët ndiheshin krenarë kur i shikonin me uniformë.
E ftuar në “Ditari” me Flaka Zogun në Tëvë 1, ish-ushtarja e UÇK-së tha se ka qenë e sikletshme me i lënë fëmijët për të luftuar, por që siç thotë ajo, çlirimi i atdheut mundet me dalë para krejtve.
“Kemi pas ato ndjenja që kur na shihnin për shembull me uniformë rrugës ose fëmijët kur shkojsha në shtëpi e nijshin atë krenarinë, se kanë qenë të vogël se hala as 10 vjet si ka pas djali i madh, 8 qika, 7 i vogli, edhe u krenojshin me ata që i kemi dy prind, edhe nuk e dijshin që ndoshta munden me u vra. U kanë pak e sikletshme me i lënë fëmijët, por çlirimi i atdheut mundet me dalë para krejtve”, u shpreh ajo.
Ish-ushtarja e UÇK-së tregoi edhe si kishte përjetuar humbjen e bashkëshortit të saj, dëshmorit Selver Maçkaj, dhe si kishte arritur të “marrë këmbët”.
“Është vështirë me i rrit fëmijët pa prind. Por e falënderoj Zotin që më ka ndihmu pika e parë ai mi ka dhanë mundësinë me u ngjall une edhe njëherë, se e kom përjetu shumë rëndë humbjen e tij, kom pas përkrahjen e kunatit, përkrahjen e vëllazënive, derisa jom marr me këmbët e mia me e hap një biznes edhe me punu vet…Mandej me kalimin e kohës e kom hap ni biznes temin të autoshkollës, Selver e kam, edhe kom punu edhe kom udhëheq edhe kom punu si instruktore”. /teve1.info/
