Ish-shefi i ushtrisë izraelite, Gadi Eisenkot, ka akuzuar kryeministrin izraelit, Benjamin Netanyahun se ka shpikur pretendime se Irani zotëron armë bërthamore për të frikësuar publikun.
Sipas të përditshmes izraelite Yedioth Ahronoth, Eisenkot i bëri këto komente në një konferencë në Izraelin qendror, duke thënë se deklaratat e kryeministrit mbi aftësitë bërthamore të Iranit ishin të rreme.
“Netanyahu tha gjëra të neveritshme. Irani nuk kishte asnjë bombë bërthamore. Ai po fabrikon realitetin për të frikësuar publikun izraelit”, citohet të ketë thënë Eisenkot, i cili është gjithashtu kreu i partisë opozitare Yashar.
Eisenkot po i referohej komenteve që Netanyahu bëri të martën në një intervistë me Kanalin 14 të Izraelit, në të cilën ai tha: “Unë hyra dy herë në Iran për të na shpëtuar nga shfarosja nga bombat atomike që ishin tashmë në duart e tyre.”
Irani prej kohësh ka mohuar se synon armë bërthamore, duke këmbëngulur se programi i tij bërthamor është ekskluzivisht paqësor.
