Karrocën e dëmtuar e mbajnë para shtëpisë në lagjen “Kolovica” në Prishtinë.
E brenda saj, i paralizuar në shtrat qëndron ish-polici Ramush Krasniqi.
Megjithëqë ka vite që është në këtë gjendje, ai mundohet të qëndrojë i fortë për shoqen e tij të jetës.
“Shoku është i sëmur qe pesë vjet e gjashtë muaj, ka bypass, është i plagosur, ka paralizë. Por prapë mundohet me qenë i fortë dhe prapë për krahu e qes deri në banjo, korridor. Vet e ushqej, vet e pastroj, ia heqi flokët, krejt” thotë Hatixhe Zeneli, bashkëshortja e ish-policit.
Prandaj të rralla janë daljet nga shtëpia edhe për Hatixhe Zenelin.
“Unë me punu nuk muj se ky nuk mun me u çu asnjë gotë ujë me pi. Kisha mujt diçka me punu në shpi që më jepet naj punë, naj paketim, na jdiçka që muj me punu n’shpi, naj restorant diçka, ndoshta ia kisha dalë”, thotë ajo.
Por sikur të mos mjaftonte kjo, çifti jeton në shtëpi të huaj.
Ndonëse nuk paguajnë qera tash e katër vjet, për Zenelin është e vështirë jetesa në këtë vend.
E zgjidhje për strehim po kërkojnë, por ende nuk po gjejnë.
N’komunë kam kërku, komuna s’më ka bo zgjidhje. As sociali s’më pagun që unë kujdesem për të. Jetojmë me një gjysmë rroge”, shprehet Zeneli.
Prandaj ajo ka një kërkesë për njerëzit e vullnetit të mirë.
“Kam metë, jam kam zanë ndoshta shpinë, jau kam zanë trollin. Ata n’rrugë sun po m’qesin, unë s’po kam kah shkoj. Mundësi me pagu qera, me pagu gjana s’kam se sun po ia dal. Veç barna të Ramushit m’shkojnë 100 euro jo rryma, jo ushqimet e shtrenjta jo sene. Çka t’kanë mundësi njerëzit me m’ofru, se unë s’di ku shkoj”, është lutja e saj.
Numri kontaktues për ta ndihmuar çiftin është 044333908.