Ish-ministrja e Integrimeve Evropiane Dhurata Hoxha, doli në gjykatore të mërkurën nën akuzat për keqpërdorim të detyrës zyrtare.
Ajo dyshohet se kishte përdorur kontratën e MIE-së për të promovuar fushatën elektorale në vitin 2019, e që në fakt kjo kontratë shërbente për të informuar qytetarët rreth procesit të liberalizimit të vizave.
Kontrata ishte nënshkruar në vlerë prej 51 mijë eurove, prej të cilave, afër 46 mijë euro ishin ndarë për blerjen e hapësirave mediale të disa portaleve.
Për këtë, u dëgjua eksperti i ekspertizës Agim Sheqiri.
“Publikimi i këtyre komunikatave ne web portalin Rrokum nuk ka qene as një shërbim qe lidhet me qëllimin lenden dhe objektin e kontratës për faktin se qëllimi i kësaj kontrate publike ka qenë informimi i qytetareve për proceset integruese drejtë BE-së”, tha eksperti Agim Sheqiri.
Derisa ka treguar disa nga përmbajtjet në atë portal tha se ka pasur edhe media të tjera që kanë bërë të njëjtën gjë.
“Gratë me rol te rendesishem në biznes do te përkushtohemi për fuqizimin e tyre, Dhurata hoxha me shumë takime elektorale, Dhurata Hoxha fitorja konfirmohet në tubimin madhështor në Gjilan, Artikulli tjetër: te Pandalshëm për fitore e 6 tetorit”, tha ai.
Por për këtë, avokati i ministres Hoxha, kërkoi të dijë se në cilat portale të tjera janë shpërndarë lajme të tilla.
“A mundesh me na tregu në cilat tjera njëjtë sikur na lexove këto”, pyeti avokati i ish-ministres, Florent Latifaj.
“Nuk kom prova të tilla sikur që potencova këtu, as nuk kam thënë s’besoj nashta kom mujt me u keqkuptu ose mos mu sqaru mirë”, tha Sheqiri.
Prokuroria Speciale e Republikës së Kosovës më 12 maj 2022, kishte ngritur aktakuzën ndaj Hoxhës, Ekrem Tahirit, Fitim Mustafës dhe Gëzim Dushit, duke i ngarkuar me veprën penale “Keqpërdorimit të pozitës apo autoritetit zyrtar”.
Kronikë e realizuar nga gazetarja Gresa Bardhecaj.