Ai në emisionin “Ditari” në Tëvë 1, po vlerëson se ky qëndrim është për shkak se këtë çështje e ka ngritur fillimisht opozita.
“Ka dy kahje kjo çështje sipas mendimit tim, e para qëndrimi i Qeverisë për mua duket absurd sepse Qeveria me këtë vendim nuk ngarkohet asgjë, nuk humb asgjë. Ajo po kundërshton dhënien e mjeteve vetëm për arsye se këtë e ka ngritë opozita. Por, qëndrimi i Qeverisë kundër lidhet kryekëput me inati, nuk do t’i lejojmë për shkak se këtë iniciativë e ka nisur opozita në Kuvend, PDK-ja por e ka përkrahë opozita në përgjithësi”, tha ai.
Madje, Shatri ka komentuar edhe deklaratat nga Qeveria se me tërheqjen e këtyre mjeteve, mund të ketë rritje të çmimeve.
“Nuk është e vërtetë që mund të rriten çmimet me 400-500 milionë nëse tërhiqen nga Trusti, në Kosovë konsumi vjetor është afër 7 miliardë, 400 milionë me 7 miliardë asnjë send nuk mund të ndikojë në rritjen e çmimeve mund të ndikojë në rritjen e qarkullimit të mallrave në 1 muaj ose 2 aq sa njerëzit mund t’i menaxhojnë ato para në mënyrë racionale që t’i mbulojnë disa nevoja”, shtoi ai.
Sipas tij, në rrethanat aktuale kur ekzekutivi nuk po merr masa mbështetëse ndaj qytetarëve për të përballuar rritjen e çmimeve, kjo mbetet zgjidhje e përkohshme.
“Mendoj që ka dy anë por në këtë situatë kur po mungojnë masat tjera dhe nuk merrët asnjë masë adekuate nga Qeveria atëherë po mbetet zgjidhje e vetme e përkohshme, jo afatgjate dhe jo më e mira, mund të them në aspekt të profesionit po e dalloj nga aspekti i partisë politike që i takoj”, shtoi Shatri./teve1.info/