Ish-kryetari i komunës së Parteshit, Nenad Cvetkoviq, e ka pyetur presidentin e Serbisë, Aleksandër Vuçiq se ku duhet t’i dorëzojnë armët ilegale qytetarët serbë që jetojnë në Kosovë.
Kjo pyetje e tij ka ardhur pas thirrjeve të Vuçiq për dorëzim të armëve ilegale, pas një serie vrasjesh masive që ndodhën në Serbi.
“President, po ju pyes në ankth. Ne që jetojmë në Kosovë, ku të dorëzojmë armët ilegale, Beograd apo Prishtinë? Po ju pyes me dashamirësi”, ka shkruar Cvetkoviq.
Ai tutje i ka “kujtuar” Vuçiqit se kush është.
“Më lejoni t’ju kujtoj, ju do të mbani mend kush jam unë. N. Cvetkoviq që ndërtoi spitalin në Pasjan, të cilin ju e hapët dhe pretenduat sikur e kishit ndërtuar”, ka shkruar tutje ish-kryetari.