Ish-kandidati i Lëvizjes Vetëvendosje për kryetar të Deçanit, Orges Tafilaj ia ka uruar ditëlindjen ish-kryeministrit komunistë të Shqipërisë, Enver Hoxhës.
Ai përmes një postimi në Facebook, ka publikuar një fotografi të Enver Hoxhës duke puthur flamurin kuq e zi, me mbi shkrimin “Urime ditëlindja komandant!”.
Kujtojmë që, Enver Hoxha ka qenë politikan komunist shqiptar që drejtoi shtetin shqiptar nga viti 1944 deri në vdekjen e tij në vitin 1985. Para sekretarisë së parë të Partisë së Punës së Shqipërisë, ai ishte kryetari i Frontit Demokratik të Shqipërisë dhe komandant i përgjithshëm i Forcave të Armatosura Shqiptare nga viti 1944 deri në vdekjen e tij. Shërbeu si Kryeministër i Shqipërisë gjatë viteve 1944–1954 dhe në kohë të ndryshme ka shërbyer si Ministër i Punëve të Jashtme dhe i Mbrojtjes.
