Presidenti i Serbisë, Aleksandar Vuçiq, në disa raste gjatë muajve të fundit, është parë i shoqëruar nga persona që dyshohet të kenë qenë pjesë të sulmit terrorist në Banjskë të Zveçanit.
Madje, ata u panë edhe duke i bërë roje atij.
Ish-komandanti i FSK-së, Kadri Kastrati, tregon se janë rreth 1600 persona të cilët janë të trajnuar dhe të armatosur, që po përdoren nga Vuçiq për sigurinë e tij.
“ Grupi terrorist në Banjskë që ka qenë në krye me Millan Radojiciq tash është mbrojtja e afërt e vet presidentit Vuciq ai më tepër iu beson këtyre, se sa ju beson mbrojtjes së afërt dhe policisë së vet. Kjo shihet që, këto janë forcat janë brenda territorit të Republikës së Kosovës e ashtuquajtura Brigada Veriore, kam thënë shumë herë që numëron 1300 deri 1600 persona është e trajnuar, e pajisur e përgatitur dhe e mbështetur nga vet presidenti nëpërmjet njeriut të tij kryesor, Vulin”, ka thënë Kadri Kastrati.
E në aspektin diplomatik, profesori Sylë Ukshini, tregon se përdorimi i këtyre grupeve, i takon idesë së vjetër për të krijuar një shtet bashkë me bandat kriminale.
“ Retorika e Vuciqit dhe elitës politike në Beograd është armiqësore është kërcënuese. Pastaj marrja nënsqetull e bandave si të Radojiciqit, ma kujton fillimin e shekullit 20 të vitit 1900 kur bandat serbe që operonin në Kosovë dhe Maqedoni. Në kohën e perandorisë osmane kishin mbrojtjen e shtetit serb. Kjo është një traditë që shteti serb është ndërtua mbi grupe banditeske dhe vazhdon të jetë një shtet banditesk i cili ka sjellë turbullira”, është shprehur Ukshini
Ukshini thekson se Bashkimi Evropian duhet të ndërmarrë masa, në mënyrë që të ndaloj idenë hegjemoniste të Serbisë.
