Pas takimit më Kryeministrin Albin Kurti, në një prononcim para medieve, Clark ka folur për gjendjen e sigurisë në rajon.
E sa i përket situatës në Kosovë ai tha se garantues i sigurisë këtu është KFOR-i. Përderisa shoti se NATO duhet ta pranoj Kosovën brenda vetës.
“Sa here që tensionet rriten për shkak të veprimeve të Rusisë dhe efekteve që ka në këtë rajon, mendoj se i takon Qeverisë t’i kushtojë rëndësi sigurisë, por për atë e kemi edhe KLFOR-in e NATO-n në Kosovë. Sigurisht që edhe SHBA dhe ambasadori amerikan këtu, i cili është njeri shumë i mirë, ka vëmendjen dhe kujdesin e nevojshëm. Mendoj se NATO duhet ta mirëpres Kosovën dhe kjo është ajo që them”, tha Clark.
Clark më tej tha se ai nuk është i angazhuar si këshilltar special i ministrit të mbrojtjes, dhe se në takimin e së martës me qeverinë kanë biseduar vetëm për çështjet e energjisë.
‘Nuk jam këshilltar special ( I ministrit të mbrojtjes) jam vetëm mik i tij. Unë mund të këshillojë këdo, por do ta takoj ministrin, e kam mik të vjetër dhe nuk do të diskutojmë çështje tjera. Jam i pensionuar nga ushtria dhe jam vetëm biznismen. Diskutuam vetëm se sa shpejt mund të sjellim energjinë solare, e dimë se është koha që të gjitha vendet në juglindje të Evropës të largohen nga përdorimi i energjive që emetojnë karbon dhe ta zhvillojnë energjinë solare sa më shumë që është e mundur. Pra këtë çështje e diskutuam me kryeministrin, zëvendëskryeministrin dhe ministrin e energjisë”, shtoi Clark.
Ish-gjenerali amerikan, kishte udhëhequr fushatën e bombardimeve të NATO-s kundër caqeve serbe.
Ai tha se nuk kanë diskutuar aspekte tjera, përfshi edhe sigurinë, duke theksuar se kanë folur vetëm çështje të biznesit. Siguria më e mire që mund të keni, është një biznes i mire.
