Qalaj në “Infonata” në Tëvë 1 ka theksuar se Rusia dhe aleatët e saj kanë synim ta destabilizojnë rajonin në Ballkan.
“Mendimi im është se janë si pasojë e luftës në Ukrainë. Rusia dhe aleatët e saj, individë të ndryshëm, grupacione të ndryshme tentojnë që ta destabilizojnë rajonin e Ballkanit”, ka thënë ai.
Ish- drejtori i Policisë ka potencuar se duhet të ketë bashkëpunim ndërmjet Policisë së vendeve të rajonit, që të identifikohen këto raste dhe të arrestohen personat përgjegjës.
Nuk janë të pakta rastet e alarmeve për bombë gjatë muajve të fundit në Kosovë. Të tilla janë raportuar disa herë te Stacioni i Autobusëve në Prishtinë, te Rekorati i Universitetit të Prishtinës, te shkolla e mesme “Xhevdet Doda” dhe në Aeroportin “Adem Jashari”.
Në të gjitha rastet, këto alarme për bombë kanë rezultuar të rrejshme e asnjë person i dyshuar nuk është arrestuar. /Teve1.info/
