Analisti politik, Nexhmedin Saphiu ka vlerësuar se hapja e Urës së Ibrit për qarkullim të veturave nuk paraqet ndonjë problem për sigurinë.
Madje ai ka ironizuar duke thënë se i vetmi problem që mund të ndodhë është nëse opozita shkojnë te ura dhe përleshen me pushtetin.
Spahiu ka thënë se i vetmi sukses i Kurti është se ka marrë veriun në kontroll, duke kritikuar qeveritë e kaluara për qasjen ndaj veriut.
“Kurti e ka marrë veriun në kontroll, ky është suksesi i tij, fatkeqësisht i vetmi, por i madh. Nuk ka problem për sigurinë, kush ka me ba telashe, të vetmen telashe munden me ba, në qoftë se qohen opozita edhe shkojnë përleshen me pushtetin . Strukturat paralele që kanë qenë atje dhe kanë bë probleme më nuk janë, i ka shkatërrua”, ka thënë Spahiu në emisionin “Këndi i Debatit” në Tëvë 1.
BE por edhe ShBA janë shprehur kundër hapjes së Urës së Ibrit pas paralajmërimeve nga Qeveria e Kosovës për një gjë të tillë.
Për këtë ka reaguar edhe KFOR-i duke thënë se ura duhet të hapet me marrëveshje në dialog.
