Ministria e Shëndetësisë e Iranit tha të dielën se të paktën 224 persona janë vrarë në Iran që kur Izraeli nisi një valë sulmesh në të gjithë vendin të premten, sipas medias gjysmëzyrtare iraniane Mehr Neës, duke cituar zëdhënësin e ministrisë së shëndetësisë Hossein Kermanpour.
Kermanpour tha se 1,481 persona ishin plagosur dhe se shumica dërrmuese e të vrarëve dhe të plagosurve, “më shumë se 90 përqind”, ishin civilë.
Sulmet reciproket ndërmjet Iranit dhe Izraelit kanë vazhduar edhe të dielën. Irani ka sulmuar Izraelin në orët e mbrëmjes ku deri tash raportohet se 10 persona janë lënduar.
Faza e katërt e operacionit të Iranit kundër Izraelit ka filluar, raportoi të dielën media gjysmëzyrtare iraniane Mehr News.
Operacioni, i quajtur Operacioni Premtimi i Vërtetë 3, përfshinte “qindra raketa të ndryshme balistike” që synonin ndërtesa banimi dhe infrastrukturë në Izrael, raportoi Mehr. Sulmet janë një “përgjigje vendimtare” ndaj sulmit fillestar të Izraelit ndaj Iranit, i cili vrau disa komandantë të lartë ushtarakë, deklaroi agjencia e lajmeve.
Autoritetet iraniane theksuan se do të “përgjigjeshin me vendosmëri ndaj çdo aventureske” nga Izraeli, sipas Mehr.
