Udhëheqësi Suprem i Iranit, Ajatollah Ali Khamenei, ka thënë të mërkurën se vendi do të vazhdojë t’u përgjigjet sulmeve izraelite dhe nuk do të negociojë kurrë me Izraelin.
“Ne duhet t’i japim një përgjigje të fortë regjimit terrorist sionist. Ne nuk do t’u tregojmë asnjë mëshirë sionistëve”, tha Khamenei në një deklaratë për X.
Të martën, Presidenti i SHBA-së Donald Trump tha se Uashingtoni e di “saktësisht” se ku është Khamenei, duke thënë se ai është i sigurt “për momentin”, ndërsa paralajmëroi se “durimi ynë po shteron”, ka shkruar Anadoly.
Tensionet rajonale janë përshkallëzuar që nga e premtja, kur Izraeli nisi sulme ajrore në shumë vende në të gjithë Iranin, duke përfshirë objekte ushtarake dhe bërthamore, duke bërë që Teherani të nisë sulme hakmarrëse.
Autoritetet izraelite thanë se të paktën 24 persona janë vrarë dhe qindra të tjerë janë plagosur që atëherë në sulmet me raketa iraniane.
Irani tha se të paktën 224 persona janë vrarë dhe më shumë se 1,000 të tjerë janë plagosur në sulmin izraelit.
