Korpusi i Gardës Revolucionare Islamike (IRGC) e Iranit ka kërcënuar të zgjerojë një luftë të re përtej Lindjes së Mesme nëse SHBA-të rifillojnë sulmet kundër Teheranit.
Paralajmërimi erdhi pasi presidenti i SHBA-së, Donald Trump, kërcënoi se do ta sulmonte përsëri Iranin nëse ky i fundit nuk pranonte një marrëveshje për t’i dhënë fund konfliktit.
Në një deklaratë të transmetuar nga agjencia gjysmëzyrtare e lajmeve Tasnim në Iran, IRGC tha: “Nëse agresioni kundër Iranit përsëritet, lufta rajonale që u premtua këtë herë do të shtrihet përtej rajonit dhe goditjet tona shkatërruese në vende që mezi mund t’i imagjinoni do t’ju shndërrojnë në hi.”
Trump tha se një sulm i ri amerikan do të shkaktonte “një goditje të madhe” në ditët në vijim nëse nuk arrihet një marrëveshje për një zgjidhje të qëndrueshme.
