Garda Revolucionare paraushtarake e Iranit thotë se ka lëshuar 40 raketa, përfshirë raketën Khorramshahr-4, gjatë sulmit ndaj Izraelit të dielën në mëngjes.
Irani ka thënë se Khorramshahr-4 mund të mbajë koka të shumta bërthamore.
Televizioni shtetëror iranian shfaqi atë që dukej të ishte një pamje e mëparshme e provës së raketës Khorramshahr-4, me një mbishkrim në ekran ku thuhej se ajo u përdor të dielën në një breshëri sulmesh ndaj Izraelit.
Khorramshahr-4 ka ngarkesën më të rëndë të flotës së raketave balistike të Iranit, të cilat analistët thonë se mund të jenë të projektuara për ta mbajtur armën nën një limit prej 2,000 kilometrash të vendosur nga udhëheqësi suprem i vendit.
Raketa është përshkruar si një raketë me një rreze veprimi prej 2,000 kilometrash (1,240 milje) me një kokë luftarake prej 1,500 kilogramësh (3,300 paundësh).
Ndërkohë, Ministria izraelite e Shëndetësisë thotë se sulmet iraniane gjatë natës dhe të dielën kanë plagosur më shumë se 80 persona, raporton AP.
Shumica dërrmuese, më shumë se 70, u plagosën lehtë, tha ajo.
Sulmet e Iranit vinë pasi SHBA bombardoi tre vendet kryesore të pasurimit bërthamor të Iranit.
