Irani ka nisur të hënën një sulme ajrore të reja ndaj Izraelit, teksa konflikti mes tyre u përshkallëzua edhe më tepër pas sulmeve amerikane në bazat bërthamore iraniane.
Në një deklaratë të ushtrisë izraelite u tha se breshëri e re raketash aktivizuan sirenat e sulmit ajror në Izraelin qendror dhe verior. Ajo tha se po punonte për të kapur raketat iraniane.
Ndërkohë, kanali izraelit 12 raportoi se mbo 15 raketa u qëlluan nga Irani në Izrael, ku u dëgjuan shpërthime në Jerusalem dhe qytetin jugor të Ashdodit.
Sipas një gazete tjetër Maariv, sirenat e sulmit ajror tingëlluan për 40 minuta në Izrael, koha më e gjatë e regjistruar që nga fillimi i konfliktit.
Ende nuk ka pasur informacione në lidhje me lëndime ose dëme.
Gazeta Israel Hayom raportoi për ndërprerje të energjisë elektrike në zonat jugore të Izraelit për shkak të dëmtimit të një kompanie furnizimi me energji elektrike pas sulmeve.
Izraeli dhe Irani janë angazhuar në luftime ajrore që nga 13 qershori, kur Tel Avivi nisi një sulm të papritur në disa vende në të gjithë Iranin, duke përfshirë objekte ushtarake dhe bërthamore, duke bërë që Teherani të nisë sulme hakmarrëse.
Autoritetet izraelite thanë se të paktën 25 persona janë vrarë dhe qindra të tjerë janë plagosur që atëherë në sulmet me raketa iraniane.
Ndërkohë, në Iran, të paktën 430 persona janë vrarë dhe më shumë se 3,500 të tjerë janë plagosur në sulmin izraelit, sipas Ministrisë së Shëndetësisë iraniane.
