Inspektorati i Policisë së Kosovës ka njoftuar se ka suspenduar tre zyrtarë policor në Klinë, nën dyshimin se të njëjtit janë përfshirë në një incident.
Ky suspendim sipas IPK-së është bërë me dyshimin se të njëjtit nuk kanë raportuar veprimet dhe rrethanat që përbëjnë element të veprës penale “Moslajmërimi i veprave penale apo kryerësve të tyre”.
“Hetimet lidhur me këtë rast janë duke u zhvilluar nga Departamenti i Hetimeve në IPK, në bashkëpunim me Prokurorinë Themelore në Pejë me qëllim të sqarimit të plotë të të gjitha rrethanave dhe veprimeve eventualisht të kundërligjshme të zyrtarëve policorë të përfshirë.Rekomandimi për suspendim të përkohshëm të zyrtarëve policorë është ndërmarrë me qëllim të mos-ndikimit në procesin hetimor dhe garantimit të pavarësisë dhe paanshmërisë së hetimeve”, thuhet në njoftimin e IPK-së./teve1.info/
