Inspektorati Policor i Kosovës ka rekomanduar suspendimin e katër zyrtarëve policorë, në dy raste të ndara, përcjell teve1.info
Sipas njoftimit, njëri rast ka ndodhur në Ferizaj, me ç’rast IPK-ja ka rekomanduar suspendimin për 72 orë të tre zyrtarëve policorë, lidhur me një videoincizim i cili është duke qarkulluar në media ku shihen dy vajza duke hyrë në veturë zyrtare të Policisë së Kosovës.
Teksa rasti tjetër ka ndodhur në Kamenicë para dy ditësh, ku një zyrtar policor dyshohet se është shoqëruar me një person të dyshuar tek i cili është gjetur substancë narkotike.
“Njëri rast ka ndodh në Kamenicë më datë 05.09.2023, ku dyshohej se zyrtari policor në Stacionin Policor- Kamenicë, deri sa ka qenë në detyrë dyshohet se është shoqëruar me një person të dyshuar tek i cili është gjetur një substancë e dyshuar narkotike ku në konsultim me prokurorin kujdestar është hap rast penal për veprën penale ‘Posedim i pa autorizuar i narkotikëve, substancave psikotrope ose analoge’. Zyrtari policor i dyshuar, me rekomandim të IPK-së dhe me vendim të Drejtorit Rajonal Gjilan, është suspenduar për 72 orë, ndërsa me një vendim tjetër më datë 07.05.2023 ka rekomanduar vazhdimin e suspendimit pasi që në këtë rast duhet të ndërmerren veprime hetimore nga IPK”, bëhet e ditur në njoftim. /Teve1.info/
