Koha mesatare e reagimit policor sipas Inspektoratit Policor të Kosovë është 13.7 minuta.
Sipas raportit të inspektimit “Reagimi në thirrjet e qytetarëve dhe raportimi i aktiviteteve policore”, të realizuar nga IPK-ja treguesit statistikor mbi kohën e reagimit në pamje të përgjithshme nuk pasqyrojnë ndryshim krahasuar me matjet e bëra nga IPK-ja para tri vjetëve, me disa ndryshime te një numër stacionesh dhe drejtorive rajonale.
“Koha mesatare e reagimit policor për këtë vit në nivel vendi që është 13.7 minuta, ka rezultuar e njëjtë si në matjet nga viti 2022”, thuhet në njoftimin e IPK-së.
Sipas IPK-së, objektivat e këtij inspektimi kanë qenë matja dhe analizimi i kohës së reagimit policor në thirrjet e qytetarëve, vlerësimi i procesit të raportimit të aktiviteteve policore, si dhe vlerësimi i dokumentimit të aktiviteteve policore sipas niveleve.
“Gjetjet e këtij inspektimi janë me interes për nivelet drejtuese dhe operative të strukturave policore të Departamentit të Rendit Publik, duke përfshirë edhe stacionet policore. Treguesit statistikor mbi kohën e reagimit në pamje të përgjithshme nuk pasqyrojnë ndryshim krahasuar me matjet e bëra nga IPK para tre viteve, me disa ndryshime tek një numër stacionesh dhe drejtorive rajonale”, thuhet në njoftim./teve1.info/
