Inspektorati Policor i Kosovës (IPK) ka njoftuar se ka arrestuar një zyrtar policor të dyshuar për veprën penale “organizim i skemave piramidale dhe bixhozit të paligjshëm”.
Sipas njoftimit, të enjten IPK, me autorizim të Prokurorisë Themelore në Ferizaj, ka zhvilluar hetime duke përdorur masa të fshehta, përfshirë simulimin e korrupsionit, ku është arrestuar në flagrancë një zyrtar policor nga Stacioni Policor në Shtërpcë, në kuadër të Drejtorisë Rajonale të Policisë në Ferizaj.
Zyrtari policor dyshohet se ka pranuar shumën prej 2 mijë euro, si pjesë e një shume të përgjithshme, në lidhje me veprën penale të organizimit të skemave piramidale dhe bixhozit të paligjshëm.
Me vendim të prokurorit të Prokurorisë Themelore në Ferizaj, i dyshuari është dërguar në mbajtje për 48 orë./teve1.info/
