Simone Inzaghi nuk do të largohet nga Interi, pasi pritet të mbetet në krye të ekipit italian edhe për një periudhë të gjatë. Mediumet italiane kanë raportuar të mërkurën se Inzaghi tashmë ka refuzuar ofertën e Liverpoolit për ta zëvendësuar Juergen Kloppin në fund të edicionit.
Mësohet se Inzaghi e ka ndërmend ta vazhdoj kontratën me Interin, e cila i skadon vitin e ardhshëm. Thuhet se palët janë në negociata dhe së shpejti pritet të arrihet marrëveshja për kontratën e re dyvjeçare, c ila do ta mbajë Inzaghin në krye të Interit deri në verën e vitit 2027.
Inzaghi është trajneri i Interit prej vitit 2021 dhe gjatë kësaj periudhe ka fituar pesë trofe, dy kupa dhe tri Superkupa të Italisë. Po ashtu, Inzaghi po e udhëheq këtë edicion Interit drejt titullit të kampionit në Serie A.
